Psa 114 | Icelandic | STEP | Þegar Ísrael fór út af Egyptalandi, Jakobs ætt frá þjóðinni, er mælti á erlenda tungu,

Psalms 114

1 Þegar Ísrael fór út af Egyptalandi, Jakobs ætt frá þjóðinni, er mælti á erlenda tungu, 2 varð Júda helgidómur hans, Ísrael ríki hans. 3 Hafið sá það og flýði, Jórdan hörfaði undan. 4 Fjöllin hoppuðu sem hrútar, hæðirnar sem lömb. 5 Hvað er þér, haf, er þú flýr, Jórdan, er þú hörfar undan, 6 þér fjöll, er þér hoppið sem hrútar, þér hæðir sem lömb? 7 Titra þú, jörð, fyrir augliti Drottins, fyrir augliti Jakobs Guðs, 8 hans sem gjörir klettinn að vatnstjörn, tinnusteininn að vatnslind.